Urdu ashiar beginning with S س

Saamney hei jo usay log bura kehtay hein
Jisko dekha hi nahin usko Khuda kehtay hein
Faaslay umar ke kuch aur barha detay hein
Janey kioon log usko bhi dua detay hein

Sab kahan khuch lal-o-gul mein nama-yan ho ga-een
Khaak mein kia hastian hongi ke pinhan ho ga-een

Samamdar teri khamoshian kuch aur kehti hein
Magar sahil pe tuti kashtian kuch aur kehti hein
Ham ahley shehr ki khahish, mil jul kar rehein lekin
Ameer-e shehr ki dilchaspian kuch aur kehti hein

Shaam se unkey tasawwar ka nasha tha itna
Neendh a-ee hai to aankhon no bura mana hai

Sha-id isi liay hamein manzil na mil saki
Jitney bhi log ham-ko miley rahbar miley

Shakhon ne jin ko bojh samaj kar gira dia
Pattey wohi hawaon se aagay nikal gaye

Sham roti rehi be basi par meri
men muqaddar ke ansoo bahati rehi
Samna tha mukhalif hawa ka magar
men charag-e muhabbat jalati rehi
hijr ki shaam yadon ki baraat thi
aik aati rehi ai jaati rehi
waqt tewar badalta raha, aur men
aina zindgi ko dikhati rehi
vo keh kar gia tha, zaroor qunga
roz niqhaar ghar ko sajati rehi

Shohrat ki bulandi bhi pal bhar ka tamasha hai
Jis shaakh pe betha hai wo toot bhi sakti hai

Sar mein sauda bhi nehin dil mein tamanna bhi rahin
Lekin is tark-e-muhabat pe bharosa bhi nahi
Yoon to yaan uth-te nahin dewana-i-ishq
Magar ae dost kuch aisoon ka thikana bhi nahin
Mudattein guzri teri yaad bhi aa-ee na hamein
Aur ham bhool ga-ey hon tujhe qisa bhi nahin
Moon se ham apne bura to nahin kehte ke Firaq
Hai dost maghar aadmi achha bhi nahin

Sholay hein to keon inko bharaktay nehin dekha
Hain khaak to rahon mein bikhartay keon nahin detha
Aansoo bhi hein aankhon mein dua-ain bhi hein lab par
Bigray huay halaat sanwartay keo nahin dekha
Aik hamein awara kehna koi bara ilzaam nahin
Dunya walay dil walon ko aur bahut kuchh kehtay hein
Vo jo abhi ra’h say chaak girabaan guzra tha
Usi awara diwanay ko Jalib Jalib kehtay hein