Urdu ashiar beginning with B (Be)

Bana gulab to kaante chuba gia ik shakhs
hua charag to ghar hi jala gia ik shakhs
tamam rang mere aur sare khawb mere
fasana keh ke fasana bana gia ik shakhs
men kis hawa men uru kis fiza men lehraun
dukhon ke jaal her soo bicha gia ik shakhs

Barson ba'd mila vo to meray lab pe koi gila na tha
ussay meri chup ne rula dia, jissay guftagu pe kamal tha

Bay pardah nazar jo aayeen kal chand bibiyan
Akbar zameen main ghairt-e-qumi say gar giya
poocha jo un say aap ka parda wo kiya hoya
boleen kay wo to aqal pay mardon ki par giya

Bhari bazam men raaz ki baat keh di
bara be-adab hun saza chahta hun

Bus gay-ee hai meray ehsas mein ye kaisi khushbu
Koi khushbu mein lagaoon teri khushbu a-ay

Baat niklay gi to phir door talak ja-ay gi
Log be-waja udasi ka sabab phuchhain gay
Ye bhi puchhain gay ke tum itni pareshan keon ho
Choorion par bhi ka-ee tanz kassay ja-ein gay
Kaanptay hathoon par fiqray bhi kassay ja-ein gay
Log zalim hein har baat ka ta’na dein gay
Baton baton mein mera zikr bhi le a-ein gay
Chahey kuch bhi ho, sawalaat na karma unsay
Meray baray mein koi baat na karna unsay
WARNA, baat niklay gi to phir door talak ja-ay gi

Barson ke baad dekha ik shakhs dilruba sa
Ab zehn mein nahin hai par naam tha bhala sa
Abru kiche kiche se aankhein jhuki jhki se
Baatein ruki ruki si, lahja thaka thaka sa
Alfaaz thay ke jugnu avaaz kay safar mein
Ban ja-ay jangalon mein jis tarah raasta sa
Khabon mein khaab us kay yadon mein yaad us ki
Needon mein ghul gaya ho jaise ke rat-jaga sa
Pahale bhi log aa-ay kitane hi zidgi main
Vo har tarah se lekin auron se than juda sa
Agli mubabbaton ne vo naa-muradiyan din
Taza rafaqton se dil tha dara dara sa
Kuch ye kay muddaton se ham bhi nahin thay roye
Kuch zahar mein bujha tha adbaab ka dilaasa
Phir yun hua kay saavan aankhon mein aa basay thay
Phur yun hua ke jaisay dil bhi tha aabala saa
Ab sach kein to yaaro ham ko khabar nahin thi
Ban jaaygaa qayaamat ik vaqia zara sa
Tever thay berukhi kay andaaz doti ke
Vo ajnabi tha lekin lagta tha aashna sa
Ham dasht thay ke dariya ham zahar thay ke amrit
Na-haq tha zohm ham ko jab vo nahin tha pyasa
Ham neb hi us ko dekha kal shaam intefaqan
Apna bhi haal hai ab logo Faraz ka sa

sheikhmsarwar@gmail.com