Urdu ashiar beginning with K ک

Kabhi kitabon mein phool rakhna
kabhi darakhton pe naam likhna
Hamein bhi yaad hei aaj tak vo
nazar sey harf-e salaam likhna
Vo chaand chehray vo behki baatein
sulagtay din they sulagti raatein
Vo chhotay chhota kagzon par
muhabbaton ke paigham likhna
Ghulab chehron say dil lagana
vo chupkay chupkay nazar milana
Vo aarzu-oon ke khawb bun-na
vo qissa-e na-tamam likhna
Maray nagar ki haeen fizao
jo unka kahin nishan pao
To poochhna ke kahan basay wo
kahan hai unka qayam likhna
Gayee ruton mein Rubab Apna
Bas ek ye-hi to mashghala tha
kisi kay chehray to subha lihna
kisi ki zulfon ko shaam likhna

Kahan gayei wo log jo ham se piar kia kartay thay
Barson baad bhi pal bhar mein pehchan lia kartay thay
Aik tarf har saans ruki thi, sharm ke maray aanch jhuki thi
Ai tarf ham be-sabri kay ghoont pia kartay thay
Pal do pal ka khail racha kar chor ga-ay we ham ko rota
Ye kia jiwan hai chup reh kar dil say kar lia samjhota
Maazi kay khamosh khandar mein yaadon ki dewaar khari hai
Ye bhi ik din gir ja-ay gi, unko kia fiqr parhi hai
Jin kay haathon par ham apna naam likha kartay thay

Kahin nazar na lagay uskay dast-o-bazoo ko
Ye log mera zakhm-i-jigar keon dekhtay hein

Kanton se guzr kar chhoo aati hai phoolon ko
Titli ke paron ko kabhi chhiltey nahin dekha

Khat ke purzey ura raha tha
Hawaon ka rukh bata raha tha
Ik din ik ajnabi ko
Meri kahani suna raha tha

Khat Likh Raha Hoon Ahd-E-Mohabbat Ko Tod Ke
Kagaz Pe Aansowon Kii Jagah Chod Chod Ke.
Too Fikr Mand Kyun Hai Mere Dil Ko Tod Ke
Mein Khud Hi Jaa Raha Hoon Tera Shaher Chod Ke .
Kal Raath Likhne Baitha Ghazal Tere Naam Kii
Alfaaz Saamne Thay, Khaday Haath Jor Ke.
Jis Mein Tumhara Aks-E-Haseen, Dekhta Tha Mein
Tumne Toh Rakhdiya, Wohi Aaina Tor Ke .
Ye Daastaan-E-Zeest Bhi Kitni Taveel Hai
Padhna Pada Hai Mujhko, Waraq Mod Mod Ke

Khawbon ka kia hai Khawb to muhtaj hein ta’beeron kay
Apni ankhon ko na Khawbon kay hawale karna

Khud ko chuntey huey din sara guzar jata hai Faraz
Phir hawa shaam ki chalti hai to bikhar jata hun mein

Khushbu kay jaziron say sitaton ki haddon tak
Is shehr mein sub-kuch hai, bas teri kami hai

Kis ko khush aey ga sahra ka safar meray baad
Kaon rakhay ga teri khair-o-khabar meray baad
Ra-e-gan ho gaee mein khawb mein chaltay chaltay
Kia khulay ga kisi tabeer ka dar meray baad
Ghar no hoga too mein ho jaoon gi barbad, magar
Yunhi abaad rehay ga mera ghar meray baad

Kitni dewaron kay sa-ey haath phelatay rahey
Ishq ne hum ko magar be-khanman rehney dia

Koee pochhay ga to keh deingay, unsay bhejhay hein
Wagarna phool ham ne khud apney liay khariday hein

Kuch ishq tha kuch majburi thi, so men ne jewan haar dia
men kaisa zinda aadmi tha, ik shakhs ne mujh ko maar dia
ye saja sajaya ghar saqi meri zaat nahi mera haal nahi
ai kash kabhi tum jas sako jo us sukh ne azzar dia
men khuli hui ik sachaee, mujhe janane wale jante hein
vo ishq bahut mushkil tha magar assan na tha yun jeena bhi
us ishq ne zindha rehne ke muje zarf dia pindar dia