Urdu ashiar beginning with L ل

Log istarah samjhatay hein mujh ko Aasi
Jaisay pa-ee hi nahin aqal-e-Insan humnay

Lagzashon se ma-wara to bhi tha mein bhi na tha
Dono hi insane thay, khuda tub hi tha mein bhi na tha
Tu jafa ki mein wafa ki rah pe tha gaamzan
Peechay mur kar dekhta tu bhi na tha mein bhi na tha
Maslehaton ne kar di-ay donon mein paida ikhtalaf
Warna fitrat ka bura tub hi na tha mein bhi na tha
Jurm ki noeeton mein kuch tafawat ho to ho
Dar haqeeqat parsa tub hi na tha mein bhi na tha
Jan-e-Mohsin tub hi tha ziddi anaa mujh mein bhi thi
Dono khudsar thay jhuka tub hi na tha mein bhi na tha

Lazzatay Gham Barha Deejiye...Aap Phir Muskura Deejiye...
Chand Kab Tak Gahan Me Rahay...Rukh Se Parda Hata Deejiye...
Mera Daaman Bohat Saaf Hai...Koi Tohmat Laga Deejiye...
Ham Andheron Me Kab Tak Rahein...Phir Koi Ghar Jala Deejiye...
Ek Samandar Ne Aawaaz Di...Mujh Ko Paani Pila Deejiye...

Log har mor pe ruk ruk ke sambhaltay keon hein
Itna dartay hein to ghar say nikaltay keon hein
Mein no jugnu hoon, dia hoon, na koi tara
Roshni walay meray naam say jaltay keon hein
Neend say mera ta’luq hi nahin barsoon say
Khwab aa aa ke meri chat pe tehltay keon hein
Mor hota hai jawani ka sambhalnay ke liay
Aur sab log yahin aa ke phisaltay keon hein