Urdu ashiar beginning with A (Alif)

Abhi abhi jo chale gae mun mor ke rukh mor ke
Wo marey hi shehr ke log they, mere ghar se ghar tha mila hua

Aabla pa koi dasht mein aya hoga!
Warna aandhi me dya kis ne jalaya hoga!

Aankhon mein raha dil mein utar kar nahin dekha
Kashti kay musafir nay samandar nahin dekha

Ab men ration ki qitaron main nazar ata hun
apnay khaton se bicharney ki saza pata hun

Ab to ghabra kay wo kehtey hain ke mar jaen gay
Mar kay bhi chain na paya to kidher jaen gay

Abhi kamsun ho nadaan ho, kahin kho do gay dil mera
Tumharey hi liay rakha hai le laina jawan ho kar

Achhay lagtay hein ghar kay puranay bartan
Chhat tapakti hai to keechar nahin honay detay

Ailan-e-marg hua to us ne bhi kaha, Mohsin
achha hua, mar gia, aksar udaas rehta tha

Aisa nahin ke aadmi achha nahin hai wo
Haan, jaisa hamara khawb tha, waisa nahin hai wo

Ajeeb geeli lakrian hein ye rishte-daar
Door rehen to dhuan den, qureeb aein to jal jaein

Ajeeb shaksh hai naraaz ho ke hansta hai
Mein chahta hoon khafa ho to khafa hi lagay

Apne bhi khafa muj se begane bhi na-khush
Mein zehr-e-halahal ko kabhi meh na saka qand

Apney dhuen ko chhor gia aasman par
Bujhtey huay de-ay mein kitna gurur tha

Aankhon mein raha dil mein utar kar nahin dekha
Kashti kay musafir nay samandar nahin dekha

Aaj bazaar mein pa-bajolan chalo
Chash-me nam jan-shorida kafi nahin
Tohmat-i-ishq poshidah kafi nahin
Aaj bazaar mein ------
Dast-e-afshan chalo mast-o-raqsan chalo
Khaak bar sar chalo, khoon badamaan chalo
Rah takta hai sab shehr-i-janan chalo
Aaj bazaar ---------
Hakim-i-shehr bhi, majma-i-aam bhi
Teer-i-ilzam bhi, sang-i-dushnam bhi
Subh-i-nashaad bhi, rooz-i-nakaam bhi
Aaj bazaar -----
In ka dam-saaz apnay siwa kaon hai
Shehr-i-janan mein ab ba-safa kon hai
Dast-e-qatal kay sha-yan raha kon hai
Rakht-i-dil baandh lo dil-figaro chalo
Phir hameen qatal ho a-ain yaro chalo
Aaj bazaar mein pa-bajolan chalo
(Faiz Ahmad Faiz)

Aur sab bhool gae harfe zadaqat likhna
Reh gia kaam hamara hi bagawat likha
Laakh kehte rehein zulmat ko na zulmat likhna
Ham ne seekha hi nahin pyare be-ijazat likhna
No sila ki, na sita-ish ki tamanna ham ko
Haq mein logon ke hamari to hei aadit likha
Ham ham no bhool kar bhi shah ka qaseeda na likha
Sha-id aya isi khoobi ki badaulat likhna
Is se bharh kar meri tehseen bhala kia hogi
Parh ke n-khush hai mera sahib-i-sarvat likhna
Dehr ke gam se huva rabt to ham bhool ga-e
Sar-ve-qamat ki jawani to qaiamat likhna
Kuchh bhi kehte hein kehen shah ke masahib Jalib
Dhang rakhna yehi apna, isi soorat likhna

Akaylay ghar mein rehtay ho Kia deti hein diwarain?
Yahan to hansnay walon ko rula deti hain diwarain!
Inhein bhi apni tanhaeey jab ehsas hota hai
To gheri neend say much to jaga deti hai diwarain
Hawa kay zakhm seh kar barshon ki chot kha kar
Chhatton ko roznon ko aasra deti hein diwarain
Rahoon ghar mein to meray sar pa chadar taan deti hein
Safar pe jab nikalta hoon dua deti hein dewarain
Vo sari guftgu jo band kamron mein hoti hai
Mein jab bahir say aata hoon suna deti hein diwarain
Charhti utarti dhoop ki pehchaan hai in-ko
Abhi din kitna baqi hay bata deti hein diwarain

Allah Allah lutf kia saqi kay maikhanay mein hai
Jalwa-gar raaz-i do-alam uskay maikhane mein hai
Dehr mein kia jusju hai, kaabay men kiski talaash
Chashm-e baatin khol-lo, dil kay sanam khanay mein hai
Kaon janay kia tamasha hai kay sazon kay baqair
Ik hajhoom-i-nagmi dil kay nava khanay mein hai
Bethay bethay khud mujhay hota hai aksar yay guman
Nagma gar mutrib koi dil kay tarab khanay mein hai
Zindgi mein tujh ko Darshan mil nahin sakta kabhi
Wo sururay kaif jo murshid ke khum khanay mein hai

Apni aag ko zinda rakhna kitna mushkil hai
Pathar beech aeena rakhna kitna mushkal hai
Kitna asan hai tasveer bana auron ki
Khud ko pasay aeena rakhna kitna mushkil hai
Tum ne mandar dekhay hon-gay, ye mera aangan hai
Ik dia bhi jalta rakhna kitna mushkil hai
Chullu mein ho dard ka darya, dhiyan mein uskay hoont
Yoon bhi khud ko pyasa rakhna kitna mushkil hai
(Ishrat Aafreen)