Urdu ashiar beginning with G (Gaaf)

Gali mein dard ke purzey talash karti thi
Meray khaton ke turkey talash karti thi
Bhula-e kon azzyat-prastian uski
Khushi ke shehr mein sadmey talash karti thi
Ajeeb mehr prasti thi uski fitrat mein
Shajar ke tootey pattey talash karti thi
Qyam karti thi mujh mein so’obton ki tarah
Udas rooh ke goshey talash karti thi
Tamam raat vo pardah hata ke chand ke saath
Jo khoey ga-ey they vo lamhey talash karti thi
Kuchh is liay bhi meray ghar se usko this wehshat
Yahan bhi apney piarey hi talash karti thi
Ghuma phira kar juda-ee ki baat karti thi
Hamesha hijr ke harbey talash karti thi
Dua-ein karti thi ujrey hu-ey mazaron par
Barey ajeeb saharey talash karti thi
Mujhey to aaj bataya hai baadlon ne Vasi
Vo laut aaney ke rustey talash karti thi

Gam baray aate hein qatil ki nigahon ki tarah
Tum chupa lo mujhe ae dost gunahon ki tarah
Apni nazron mein gunehgar no hote keonkar
Dil hi dushman hei mukhalif ke gawahon ki tarah
Har tarf zeest ki rahon mein kari dhoop hai dost
Bas teri yaad ke sae hein panahon ki tarah
Jin ki khatir kabhi ilzaam uthaya tha Fakhir
Wo bhi paish ayen hein insaaf ke shahon ki tarah
(Sudharshan Fakhir)

Gaey dinon ka surag lekar kidhar se aya kidhar gia wo
Ajeeb manoos ajnabi tha mujhey to hairan kar gia wo
Wo maikadhay ko jaganay wala, wo raat ki need uranay wala
Ye aaj kia uskay ji mein a-ee ke shaam hotay hi ghar gia wo
Na ab wo yadoon ka charta darya, no fursaton ki udaas barkha
Yunhi zara si kask hai dil men jo zakham gehra tha bhar gia wo
Wo jis ke shanay pe haath rakh kar safar kia tha tu nay mansloon ka
Teri gali say na janey keon aaj sar jhuka ke guzar gia wo
Wo raat ka be-nava musafir, wo tera sha-ir wo tera Nasir
Teri gali tak to ham ne dekha, phir na janay kidhar gia wo


sheikhmsarwar@gmail.com