Urdu ashiar beginning with R ر

Raat bhar dehleez pe bethi rahin aankhein meri
Tu na aya to koi khawb hi bheja hota

Raat din zairey zamin log chaley jatey hein
Nahin maloom the-i-khaak tamasha kia hai

Rah tareek sahi, phir bhi miley gi manzil
Sirf aik azm ki qindeel jala di ja-ey

Raton ko uth uth kar khawbon ka tasawwar karti thi
Wo kaisi pagal larki thi
Aankhon kein khawb saja-ey sone ka tasawar karti thi
Wo kaisi pagal larki thi
Neend ke gehre jhonko mein, chalne ka tasawwar karti thi
Wo kaisi ….
Pat-jar ke be-ma’ni mausam mein, phoolon ka tasawwar karti thi
Wo kaisi pagal larki thi

Raaz ki batain likhin aur khat khula rehnay dia
Janay keon ruswaeon ka silsila rehnay dia
Umar bhar meray saath rehkar wo na sajkha dil ki baat
Do dilon kay darmian ik fasla rehnay dia
Apni fitnat wo badal paya na iskay ba-wajood
Khatam ki ranjash magar phir bhi gila rehnay dia
Mein samjta than khushi day gi mujhay ik din faraib
Is liay mein ne gamon se rabta rehnay dia

Raat ko shama ki manind pighal kar dekho
Zindgi kia hai kisi taaq mein jal kar dekho
Apney chechray ko badalna bahut mushkil hai
Ji behal jai-ga aeena badal kar dekho
Rang bikhrein gay to fariad karay gi khushbu
Tum kisi phool ko chutki se misl kar dekho
Jab bhi dekha tumheh ik khawb ki surat dekha
Aik din paikar-i-tabeer mein dhal kar dekho
Zindgi maan hai nawaz-e gi tumhein bhi Nighat
Kisi bachay ki tarah tum bhi machal kar dekho

Rah asaan ho ga-ee ho-gi - jan pehchan ho ga-ee ho gi
phir nighey laut kar nahin aaee - uspe qurban ho ga-ee ho gi
uski zulfon ko chherti thi saba - khud pareshan ho ga-ee ho gi
unsaybhi chheen lo gay yaad apni - jin imaan ho ga-ee ho gi
maut say teray dad mandon ki - mushkil asaan ho ga-ee ho gi
dil ki taskeen ka poochhtay hein yaar - haan meri jaan ho ga-ee ho gi
marnay wlon pe Saif hairat keon - maut asaan ho ga-ee ho gi